Баллы җәй: балалар өчен шигырьләр, табышмаклар, әкият.

Җәй көне авылда балаларга бик рәхәт һәм күңелле! Туйганчы йокларга, күбәләкләр куып уйнарга, чәчәкләр җыярга, бал белән чәй эчәргә була! Шагыйрьнең бу китабы – баллы, аллы - гөлле җәй турында. Китап эчендәге матур рәсемнәрне Влада Семёнова ясаган.

Әнием канатлары: шигырьләр, әкиятләр.

Әниләрнең канатлары буламы? Әгәр балалары авырып китсә, яки берәр кыен хәлгә калса канатлана икән әниләр... Китапка Мөҗәһитнең төрле елларда язылган шигырь - әкиятләре кергән, укып карагыз! Рәссам – Алла Айсина.

Батыр буласым килә: шигырьләр.

Китаптагы шигырьләр белән бергә балаларга серле табигать дөньясына сәяхәткә чыгарга,  китап геройларына ияреп балыкка йөрергә, җиләк җыярга, бәбкә сакларга мөмкин. Китап рәссам Рөстәм Хәбибуллинның төсле рәсемнәре белән бизәлгән.

Бәхет юлы: шигырьләр.

Бу китап эчендә балалар тормышыннан алынган маҗаралар турында шигырьләр белән беррәттән табышмаклар, палиндромнар, тизәйткечләр, акрошигырьләр, тагын әллә нинди кызыклы сүз уйнаткычлар да бар. Рәхәтләнеп укырга була! Китапның рәссамы – Влада Семёнова.